Эрдўғон мағлубиятни тан олди
Туркияда мухолиф партия 20 йил ичида илк бор сайловларда ғалаба қозонди.
31 март куни Туркиянинг мухолифатдаги Республика Халқ партияси сўнгги 20 йил ичида илк бор ҳукмрон партияни мағлуб этди.
Туркиянинг барча 81 вилоятида муниципал сайловлар бўлиб ўтди. Сайловда мамлакатнинг 18 ёшдан ошган барча фуқаролари қатнашиши мумкин эди. Бу жами 61,4 миллион киши дегани.
Овоз бериш натижалари эълон қилингач, Эрдўған Анқарада ўз тарафдорларига мурожаат қилди.
«Афсуски, муниципал сайловларда биз хоҳлаган ва кутган натижага эриша олмадик», деди у.
«Анадолу» нашрининг ёзишича, протоколларнинг 93 фоизи санаб чиқилгач, муниципал сайловларда Республика Халқ партияси 37,4 фоиз, ҳукмрон Адолат ва тараққиёт партияси эса 35,7 фоиз овоз олган. Уч йирик шаҳар – Анқара, Истанбул ва Измирнинг мухолифатдаги мэрлари сайловлардан кейин ўз ўринларини сақлаб қоладилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter