Президент Шавкат Мирзиёев раислигида куни кеча хизмат кўрсатиш соҳаларини ривожлантириш бўйича видеоселектор йиғилиши ўтказилди. Унда давлатимиз раҳбари мамлакатимизда туризм соҳасини ривожлантириш бўйича қатор топшириқларни берди. Соҳа тараққиётида меҳмонхоналар тизимининг ўрни катта.

Xabar.uz нашри ахборот ҳамкорлигида йўлга қўйилган янги лойиҳа айнан меҳмонхоналар фаолияти ҳақида бўлади. Илк ташрифимиз пойтахтимиздаги «Шамсан» меҳмонхонасига бўлди.

«Шамсан» меҳмонхонаси Тошкент шаҳри, Миробод туманида, шаҳар марказидан атиги 7 км ва халқаро аэропортдан 4 км узоқликда жойлашган замонавий меҳмонхона. Бу саёҳат пайтида қулайликни афзал кўрувчилар учун ажойиб танловдир.

Меҳмонхона кондиционер, овоз ўтказмайдиган дераза, бепул Wi-Fi, телевизор, минибар, сейф ва иш столи билан жиҳозланган 60 та замонавий хоналарни мижозларга таклиф этади.

Хоналарда шаҳарга қараган балконлар мавжуд бўлиб, у Тошкентнинг ажойиб кўринишини очади. Меҳмонларга қулайлик яратиш учун: маҳаллий ва халқаро таомларни таклиф этувчи ресторан, бар, фитнес маркази, сауна ва ҳамом мавжуд. Меҳмонхонада болали оилалар учун болалар клуби ҳам бор.

«Шамсан» меҳмонхонаси ўз меҳмонларига бепул автотураргоҳ ва қўшимча ҳақ эвазига аэропортга транспорт хизматини таклиф этади. Меҳмонхона юқори сифатли хизмат кўрсатиш, тозалик ва қулай жойлашуви билан ажралиб туради, бу кўплаб меҳмонлар томонидан қайд этилган. Ходимлар рус ва инглиз тилларида гаплашади, бу халқаро саёҳатчилар учун қулайдир.

«Шамсан» меҳмонхонаси Тошкентда юқори сифатли хизмат кўрсатадиган замонавий ва қулай меҳмонхона излаётганлар учун идеал танловдир.