Мадинадан Фарғонага учаётган cамолёт фавқулотда қўнишни амалга оширди
Centrum Air муқобил аэропортга қўниш ва заҳирадаги самолётни жўнатиш орқали йўловчилар хавфсизлигини таъминлади, дейилади компания хабарида.
Қайд этилишича, бугун, 1 февралида Centrum Air авиакомпаниясининг Мадинадан Фарғонага учаётган A321neo самолёти Туркманистон ҳаво ҳудудидан учиб ўтаётганда двигател мойи сизиб чиққан.
Йўриқномага мувофиқ, ҳаво кемаси командири Фарғона халқаро аэропортига парвозни ўзгартириб, уни Туркманистонинг Марв шаҳри аэропортига йўналтиришга қарор қилди. Самолёт командиридан билдиришнома олгач, Марв аэропортига захира самолётни юбориш тўғрисида қарор қабул қилинди. Захира самолёти аэропортга етиб борганидан сўнг, йўловчи ва уларнинг юклари Фарғонага эсон-омон етказилди.
Ҳозирда юқори малакали муҳандислар жамоаси двигателдаги мой сизиб чиқишини бартараф этгани ва самолёт яқин вақт ичида Тошкентга йўловчиларсиз техник рейсни амалга оширади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter