Супероғир вазн тоифасидаги боксчимиз, икки карра Олимпиада чемпиони Баҳодир Жалолов бизнинг вақт билан эртага тонгда Канаданинг Монреаль шаҳрида ташкил этиладиган оқшомда ўзининг навбатдаги жангини ўтказиши керак эди.

Афсуски, унинг франциялик Дэвид Спильмонтга қарши кечадиган жанги бекор қилинди. Бунга Жалоловнинг лаб қисмидан кичик учуқ чиққани сабаб қилиб кўрсатилибди. Боксчилар расмий тарозидан ўтиш маросимида қатнашиб улгуришганди.

Баҳодир Жалолов бу ҳолат унда болалигидан бўлиб туришини, ҳаво алмаштирганда чиқиб туриниши айтди ва ўзи ҳам, рақиби ҳам жанг қилишни истаганини айтди. Аммо АҚШдаги тиббий комиссия жангга рухсат бермаган.

«Олимпиадада ҳам учуқ чиққан ҳолда жангларни ўтказгандим, аммо бу ерда рухсат беришмади», деди боксчи.

Маълумот учун, Баҳодир Жалолов проф фаолияти давомида ҳозирга қадар 14 та жанг ўтказиб, уларнинг барчасида ғалаба қозонган. Дэвид Спильмонт эса шу кунгача 25 та жанг ўтказиб, 16 ғалаба, 8 мағлубият ва 1 та дуранг қайд этган. Ғалабаларининг 11 тасини нокаут орқали қўлга киритган.