Абдусатторов яна пешқадам бўлиб олди
Нидерландиянинг Вейк-ан-Зее шаҳрида ўтказилаётган анъанавий «Tata Steel Chess-2025» мусобақаси ўзининг қизғин палласига кирди.
Кеча ўтказилган бешинчи тур баҳсида Абдусатторов қора доналарда ўйнашига қарамай, мезбонлар вакили Йорден Ван Форестни мағлубиятга учратди. Нодирбек 3 ғалаба ва 2 дуранг билан 4 очко жамғарган ҳолда қўшимча кўрсаткичларга кўра пешқадамга айланиб олди.
Ҳиндистонлик Рамешбабу Прагнанандҳа кеча очко йўқотди. У нидерландиялик гроссмейстер Макс Вармердам билан муросага келди. Рамешбабу 4 очко билан қўшимча кўрсаткичларга кўра 2-ўринга жойлашган. Америкалик Фабиано Каруана Владимир Федосеевга имкониятни бой бериб қўйди. Ҳиндистонлик Гукеш Доммараджу германиялик Винсент Кеймердан устун келди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter