Туристик компанияларга зиёрат турларини ташкил этишга чеклов йўқлиги айтилди
Ижтимоий тармоқларда Тошкент халқаро аэропортида Саудия Арабистонига зиёрат турларини ташкил этувчи туристик компаниялар учун чекловлар жорий этилгани тўғрисида хабарлар тарқалган эди.
Ушбу ҳолат юзасидан «Uzbekistan Airports» бошқарув компанияси расмий муносабат билдирди.
Унга кўра, «Тошкент» аэропорти ва компания томонидан туристик фирмалар ва йўловчиларга нисбатан ҳеч қандай чекловлар киритилмаган.
Авиачиптага эга барча йўловчилар тегишли рейсларга ўз вақтида рўйхатдан ўтказилган.
18 февраль куни соат 23:50 ҳолатига эса Саудия Арабистонига амалга оширилаётган икки рейс бўйича рўйхатдан ўтиш жараёни якунланган.
Улар:
- «Flyadeal» авиакомпаниясининг Тошкент – Жидда йўналиши бўйича F39223 рейси: 352 йўловчи, режалаштирилган жўнаш вақти 19 феврал соат 00:10;
- «Centrum Air» авиакомпаниясининг Тошкент – Жидда йўналиши бўйича C6 319 рейси: 176 йўловчи, режалаштирилган жўнаш вақти 19 феврал соат 00:20.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter