Жорий йилнинг 9-12 феврал кунлари Республиканинг барча ҳудудларида ташқи ҳаво-ҳароратининг кескин совиб кетиши натижасида табиий газга эҳтиёж ортганлиги сабабли маҳаллий ҳокимликлар томонидан киритилган графикларга асосан АГТКШларга табиий газ етказиб бериш вақтинчалик қисқартирилган.

Бу ҳақда «Ўзэнергоинспекция» матбуот хизмати маълум қилди.

Эслатиб ўтамиз, 10 февраль куни Бухорода магистрал газ қувурида авария содир бўлган ва энергетика вазирлиги ўша куни авария бартараф этилганидан сўнг республиканинг барча ҳудудларидаги автомобилларга газ тўлдириш компрессор шохобчалари «аввалдан вилоят ҳокимликлари билан келишилган тартибда, ҳозирги режимда» ишлашда давом этишини маълум қилган эди. 

Маълумот учун, қарийб 10 кундан буён республиканинг аксарият ҳудудларида, жумладан Тошкент шаҳрида автомобилларга газ тўлдириш компрессор шохобчалари фаолияти деярли тўхтаб қолган. Маълум соатларда хизмат кўрсатаётган айрим шохобчаларда эса узундан-узоқ навбатлар пайдо бўлмоқда.