Меҳнат шартномасини электрон тузишга рухсат берилди
Меҳнат кодексига ўзгартириш ва қўшимчалар киритишган доир қабул қилинган янги қонунга мувофиқ эндиликда меҳнат шартномалари электрон шаклда ҳам тузилиши мумкин.
Мазкур қонун билан МКнинг 106-моддасига киритилган ўзгартиришга кўра, меҳнат шартномаси бир хил кучга эга бўлган камида икки нусхада ёзма қоғоз ва электрон шаклда тузилиб, уларнинг ҳар бири тарафлар томонидан имзоланиши белгиланди.
Қайд этилишича, бунда электрон шаклдаги меҳнат шартномаси қонунчиликда белгиланган тартибда «Ягона миллий меҳнат тизими» идоралараро дастурий-аппарат мажмуида расмийлаштирилади.
Эслатиб ўтамиз, меҳнат шартномасининг ҳар бир нусхаси ходимнинг ва ишга қабул қилиш ҳуқуқига эга бўлган мансабдор шахснинг имзолари билан мустаҳкамланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter