Андижонда келин ўзининг сепини МИБ орқали ундириб олди
Айримларнинг дабдаба, ҳою-ҳаваслар ортидан қувиши тўй харажатларини ошириб юбораётгани, баъзида эса ўртадаги низоларга сабаб бўлаётгани сир эмас.
Мажбурий ижро бюросининг Андижон вилояти Қўрғонтепа тумани бўлими иш юритувига келиб тушган суд ҳужжатига кўра, қўрғонтепалик келиннинг 46 миллион сўмлик сеплари ундириб берилиши белгиланган.
Маълум қилинишича, куёвнинг оиласи келиннинг сепларини олиб кетилишига қаршилик кўрсатган.
Бироқ, суднинг кучга кирган қарори ижросини таъминлаш учун Бюро ходимлари келиннинг сепларини бирма-бир назоратдан ўтказиб, қабул қилиб олган.
Ижро ҳаракатлари давомида ҳужжатда келтирилган қиймати 46 миллион сўмдан зиёд 39 турдаги мол-мулкларнинг барчаси келинга олиб берилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter