Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

Эрдоған: Йил давомида газ ва иссиқ сувга пул тўламайсиз!

Эрдоған: Йил давомида газ ва иссиқ сувга пул тўламайсиз!

Жорий йилнинг 20 апрель куни Туркия президенти Ражаб Тоййиб Эрдоған мамлакатга Қора денгиз газини етказиб бериш бошланганлигини маълум қилди,

«Бугун биз бир вақтнинг ўзида иккита байрамни нишонлаяпмиз – келаётган Рамазон ҳайити ва Қора денгиздан газ етказиб беришнинг бошланиши. Бу Туркиянинг энергия мустақиллигини қўлга киритиши учун муҳим қадамдир. Дастлабки босқичда кунига 10 миллион кубометр газ қазиб олишни режалаштирганмиз. Лойиҳа тўлиқ қувватга кириши билан биз газга бўлган эҳтиёжининг 30 фоизини қоплаймиз» – дейди Эрдоған.

Шунингдек, Туркия раҳбари аҳоли йил давомида ошхона эҳтиёжлари учун газ ва иссиқ сувга пул тўламаслигини таъкидлаган.

Эрдўғаннинг қўшимча қилишича, уйларни иситиш учун республика аҳолиси бир ой давомида газни бепул олади.

Маълумотларга кўра, Қора денгиз гази май ойининг бошидан бошлаб маҳаллий аҳолига тақдим этилади.

Қора денгиз шелфидаги газ конларининг захиралари тахминан 710 миллиард куб метрни ташкил қилади. Дастлабки босқичда кунига 10 миллион кубометрга яқин ёки йилига 3 дан 4 миллиард куб метргача газ қазиб олиш режалаштирилган.

2028 йилга бориб суткалик ишлаб чиқариш ҳажмини кунига 40 миллион куб метрга ёки йилига 15 миллиард куб метрга етказиш режалаштирилган.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг