«Kreml sehrgari»: Jud Lou Putinning yoshligini o‘ynaydi
Fransuz rejissyori Olive Assayas tomonidan suratga olinadigan «Kreml sehrgari» filmida britan aktyori Jud Lou Vladimir Putinning yoshligini o‘ynaydi. Bu haqda Deadline xabar berdi.
Siyosiy trillerning syujeti yozuvchi Juliano da Empolining shu nomli asariga asoslangan. Voqea markazida — Putin katta siyosatga kirib kelishi arafasida 1990-yillarda u bilan ishlagan siyosiy strateg Vadim Baranov.
O‘z roliga to‘xtalarkan, Lou loyihaga tayyorgarlik endigina boshlanganini aytdi. «Hozir bu Everestga ko‘tarilishga o‘xshaydi. Tog‘ etagida turibman-da, o‘ylayman: «Ey Xudoyim, nimalar qilyapman», — iqror bo‘ldi aktyor.
Vadim Baranov roliga Britaniyaning «Urush va tinchlik» (2016) filmida Per Bezuxovni o‘ynagan Pol Dano tanlangan.
Jud Lou — rus obrazlari ustasi. Uni Vasiliy Zaysev («Ostonadagi dushman», 2001), Aleksey Karenin («Anna Karenina», 2012) qiyofalarida ham ko‘rganmiz.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter