ФИФА. ЖЧ-2030 қатнашчилари сонини 64 тага етказиш таклиф қилинди
ФИФА 2030 йилги жаҳон чемпионатида иштирокчи этувчи жамоалар сонини 48 тадан 64 тага оширишни ўйлаб кўради. Турнирнинг 100 йиллиги муносабати билан шу ташаббус илгари сурилди.
Масаланинг бошқа томони ҳам бор. Мундиал финал босқичи қатнашчилари сони шундоқ ҳам оширилган — АҚШ, Мексика ва Канада мезбонлик қиладиган ЖЧ-2026 да 48 мамлакат миллий жамоалари куч синашади. Турнирнинг савиясида бу қанчалик акс этиши ҳали синовдан ўтмаган.
Юбилей турнирига 64 жамоани таклиф этиш ташаббуси жаҳон чемпионатини 1930 йилда биринчи бўлиб ўтказган Уругвайдан чиқди.
ФИФА президенти Инфантинонинг фикрича, бу таклифни обдан ўйлаб кўриш лозим.
Маълумот учун: футбол бўйича 2030 йилги жаҳон чемпионатига Испания, Португалия ва Марокаш мезбонлик қилади. Турнирнинг биттадан очилиш ўйини Уругвай, Аргентина ва Парагвайда бўлиб ўтади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter