Трамп: «Канада — ҳаётга лаёқатли мамлакат эмас»
АҚШ президенти Доналд Трамп баёнот беришича, «америкаликлар ҳимоя қилишига ишонган» Канада ўз мудофаасига етарлича маблағ ажратмаяпти.
«Канада — ҳаётга лаёқатли мамлакат эмас. Канада доим уни АҚШ мудофаа қилишига ишонади ва шу боис армия харажатларини иқтисод қилмоқда», — таъкидлади Трамп.
Канада ва Гренландия АҚШ таркибига кириши кераклигини Трамп кўп айтган. Бундан ташқари, у Панама каналини ҳам Қўшма Штатлар назоратига қайтармоқчи. Трампнинг баёнотларини Канада, Дания ва Панама ҳукуматлари кескин қоралади.
Аввалроқ Канада бош вазири Жастин Трюдо Трамп ҳазиллашмаётганлиги ва у Канадани Қўшма Штатлар таркибига куч ишлатиб қўшиб олишдан ҳам қайтмаслиги эҳтимолидан огоҳлантирганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter