Дунёдаги энг йирик айсберг — A23a Британияга қарашли Жанубий Жоржия оролига бориб урилиши мумкин, деб хабар берди 20min.ch.

Музтоғнинг келиши оролда яшовчи пингвинлар ва тюленларни озиқдан маҳрум қилиб, уларнинг кўпайишини хавф остида қолдириши мумкин. Бундан ташқари, денгизчилар ҳам улкан музтоғнинг ташрифидан мамнун эмас.

«Музнинг келишини кутиб, прожекторларимизни тун бўйи ўчирмаяпмиз. У исталган ёқдан келиб қолиши мумкин», — деди Жанубий Жоржий ҳукумати кемаси шкипери Саймон Уоллес.

A23a айсберги бир ой жойида айланиб турганидан сўнг океан томон кетишни бошлаган.

Маълумот учун: A23a айсберги Ню-Йорк шаҳридан уч баравар катта, оғирлиги 1 трлн тоннага яқин. У Антарктиданинг Филхнер музлигидан 1986 йилда ажралиб чиққан, аммо бир неча километрдан сўнг тўхтаган ва эриш жараёни секинлашган.

2023 йил охирларида A23a яна ҳаракатланишни ва Антарктидадан узоқлашишни бошлаган, бироқ Жанубий Оркней ороллари шарқида, океан оқимлари кузатилувчи ҳудудда тўхтаган эди.

Жанубий Жоржий (Георгия) — Атлантика океани жанубидаги архипелаг. Битта йирик ва кўплаб кичик ороллардан иборат. Архипелагнинг қуруқлик майдони — 3756 кв км. Оролни инглиз савдогари Антони де ла Роше 1675 йилда кашф қилган.