Жанубий Кореянинг «Паразитлар» филмидагига ўхшаш воқеа ҳаётда юз берди: бир хитойлик сотиб олган уйининг ертўласида уйнинг собиқ эгаси яшаётганини орадан етти йил ўтиб сезиб қолди.

Ли фамилияли эркак 2018 йилда Цзянсу провинциясида қарийб 2 млн юан ($280 минг)га уй сотиб олган, деб ёзди SCMP.

Орадан етти йил ўтди. Кунларнинг бирида Ли уйини йиғиштираётиб, зинанинг остида яширин эшик борлигини пайқаб қолди. Эшикни очиб кириб, кўзларига ишонмади: кенг ертўла рисоладагидек жиҳозланган, ўз шамоллатиш тизими, музлатгичи ва ҳатто мини-барига бор эди.

Ли уйнинг собиқ эгасига дарҳол қўнғироқ қилди. У эса ертўла рўйхатдан ўтган кўчмас мулк қисми эмаслигини, балки ўз шахсий дам олиш жойи эканини рўкач қилди.

Турган гапки, иш судгача борди ва ҳақиқат Ли томонида экани исботланиб, собиқ хўжайинга катта кўча кўрсатилди.

Маълумот учун: Режиссёр Пон Жун Хо томонидан суратга олинган «Паразитлар» филми премераси 2019 йил 30 майида бўлиб ўтган. У томошабилар ва танқидчилар томонидан жуда яхши қабул қилинди, инглиз тилида суратга олинмаган киноасарлар ичида биринчи бўлиб «Энг яхши филм» номинациясида «Оскар» мукофотини қўлга киритган.