5-yanvar, yakshanba kuni Isroil va HAMAS o‘rtasida G‘azo sektoridagi janglarni to‘xtatish va garovga olinganlarni uylariga qaytarish bo‘yicha kelishuv tafsilotlari ustida muhokamalar bo‘lib o‘tdi. Falastin rasmiylari hafta oxirida Isroilning kuchli bombardimonlarida 100 dan ortiq odam qurbon bo‘lganini ta’kidlagan.

HAMAS rasmiysining Reuters axborot agentligiga aytishicha, harakat oxir-oqibat otashkesimga olib kelishi mumkin bo‘lgan kelishuv doirasida qaytariladigan 34 nafar isroillik (garovga olinganlar)ning ro‘yxatini tasdiqlagan. Benyamin Netanyahu idorasi esa o‘sha paytdayoq garovga olinganlar ro‘yxati taqdim etilmagani haqida bayonot bergan.

Biroq, Reuters’ning ta’kidlashicha, HAMAS rasmiysi agentlikka Isroil bilan o‘t ochishni to‘xtatish bo‘yicha mumkin bo‘lgan kelishuvda ozod qilishga rozi bo‘lingan 34 nafar garovga olinganlarning ismlari ko‘rsatilgan ro‘yxat nusxasini taqdim etgan.

Asharq nashrining yozishicha, ro‘yxatda ayollar, bolalar va bemorlar bor.

Agentlikning yozishicha, ushbu sa’y-harakatlar anklavda Isroil harbiy harakatlarining kuchayishi fonida amalga oshirilmoqda. O‘tgan dam olish kunlari Isroilning G‘azodagi havo hujumlarida 105 falastinlik halok bo‘lgan.