Mobiuz «Tashkent City Mall» savdo-ko‘ngilochar markazida yangi ofisini ochdi

Mobiuz kompaniyasi «Tashkent City Mall» savdo-ko‘ngilochar markazida yangi savdo va xizmat ko‘rsatish ofisi ishga tushganini e’lon qildi. Bu yangi makonda mijozlarga barcha xizmatlar va yordam ko‘rsatiladi.

«Tashkent City Mall» markazidagi servis ofisi quyidagi afzalliklarni taqdim etadi:

• poytaxtning eng zamonaviy savdo va ko‘ngilochar markazida qulay joylashuv.
• dushanbadan payshanbagacha soat 10:00 dan 23:00 gacha, jumadan yakshanbagacha esa soat 00:00 gacha uzaytirilgan ish vaqti.
• professional mutaxassislar qurilmalarni sozlash, tarif rejasini tanlash va Mobiuz’ning joriy aksiyalari va maxsus takliflari haqida ma’lumot berishda yordam berishga tayyorligi.

Yangi ofis manzili: Toshkent shahri, Shayxontohur tumani, B.Zokirov ko‘chasi, «Tashkent City Mall» savdo majmuasi.

«Tashkent City Mall» savdo-ko‘ngilochar markazida yangi xizmat ko‘rsatish ofisini ochar ekan, Mobiuz o‘z mijozlariga xizmat ko‘rsatish sifatini oshirish hamda ularga qulaylik va xizmatlardan foydalanish imkoniyatini taqdim etishga intilishda davom etmoqda.