Shotlandiyaning eng buyuk futbolchisi — Denis Lou vafot etdi
Shotlandiya terma jamoasi va «Manchester Yunayted» klubining sobiq futbolchisi Denis Lou 85 yoshida vafot etdi.
Denis Lou «MYu» tarkibida 1968-yilda Chempionlar kubogini (Angliya klublari orasida birinchi bo‘lib) yutgan. Rasmiy o‘yinlarning 404 tasida 237 gol kiritgan Lou hanuz «Manchester Yunayted» to‘pururlari ro‘yxatida uchinchi o‘rinni band etib turibdi.
1964 yilda Denis Lou o‘sha paytlarda faqat yevropalik futbolchilarga taqdim etiladigan «Oltin to‘p»ga sazovor bo‘lgan, u ushbu mukofotni qo‘lga kiritgan yagona shotlandiyalik.
Denis Lou 1970-yillarda «Manchester Siti»da ham to‘p surgan. Har ikki klub uning oilasiga hamdardlik bildirdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter