O‘zbekiston Kanadaga hech qanday imkoniyat qoldirmadi
Dzyudochilarimiz bugun aralash jamoaviy dasturda o‘z ishtiroklarini boshlashdi. Qur’aga ko‘ra, hamyurtlarimiz 1/8 finalda Kanadaga qarshi bahs olib borishdi.
Unda dastlabki to‘rt bellashuvning hammasida g‘alaba qozongan (4-0) kurashchilarimiz chorak finalga yo‘l olishdi.
G‘olib bo‘lgan dzyudochilarimiz:
-57 kg: Shukurjon Aminova Krista Deguchini mag‘lub etdi.
-73 kg: Murodjon Yo‘ldoshev Artur Marjelidonga imkon qoldirmadi.
-70 kg: Gulnoza Matniyazova Katerin Boshnen-Pinar ustidan g‘alaba qozondi.
-90 kg: Davlat Bobonov Fransua Gote-Draponi mag‘lub etdi.
Shu tarzda +70 kgda Irisxon Qurbonboyeva va +90 kgda Alisher Yusupovlarning bahs o‘tkazishiga hojat qolmadi.
Dzyudochilarimizning chorak finaldagi raqibi Italiya bo‘ladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter