Jizzaxda ham «tozalash» boshlandi
Jizzaxda tergov va sud organlaridan yashiringan 17 nafar shaxs ushlandi, jinoiy guruhlarga aloqador uch kishi qo‘lga olindi. Bu haqda viloyat IIB ma’lumot berdi.
Jizzax viloyatida «Dolzarb - 40 kunlik» maxsus profilaktik tadbirlari doirasida ijtimoiy muhitga salbiy ta’sirini o‘tkazishga urinayotgan shaxslarga nisbatan jinoyat ishi qo‘zg‘atilib, jinoyat ishi doirasida 3 nafar shaxslar qo‘lga olinib, 12 nafar shaxslarga jinoyat ishlari bo‘yicha Jizzax shahar sudi tomonidan 15 sutka ma’muriy qamoq jazosi tayinlandi, deyiladi xabarda.
Shuningdek, jinoyat sodir etib, tergov va sud organlaridan yashiringan 17 nafar shaxs ushlandi.
Xuddi shunday viloyat hududida tezkor vaziyatga salbiy ta’sir ko‘rsatuvchi, jinoyat sodir etishga moyil 20 nafar shaxslarning yashash manzillarida maxsus profilaktik tadbirlar o‘tkazildi. Natijada noqonuniy buyum va ashyolarni saqlab kelgan 10 nafar shaxs aniqlandi.
Avvalroq Buxoroda shunday reydlarda 38 kishi ushlangandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter