«Gruziya pochtasi» orqali o‘g‘irlangan narsalarni tashigan jinoyatchilar qo‘lga olindi
Germaniyada 200 politsiyachi ishtirokida katta reyd o‘tkazildi, deb xabar berdi Bild nashri. Berlin, Gamburg, shuningdek, Baden-Vyurtemberg va Bavariya federal yerlarida oltita xonadon va omborlarda tintuv o‘tkazildi.
Jinoiy guruhning 12 nafar a’zosi qo‘lga olingan, barchasi Gruziya fuqarolari. Ular butun Germaniya bo‘ylab velosipedlar, alkogol, parfyumeriya va elektrotexnika mahsulotlarini o‘g‘irlab, pochta orqali Gruziyaga jo‘natib kelishgan. O‘g‘irlangan narsalar qiymati millionlab yevroni tashkil etadi.
Gruziya davlat pochta operatori — Georgian Post («Gruziya pochtasi») kompaniyasi subpudratchisida ishlagan 54 yoshli gruziyalik jinoiy guruhga bosh bo‘lgan. Guruhning ayrim a’zolari ham Georgian Postda ishlagan. 2023-yilning martidan buyon ular Germaniyada o‘g‘irlangan narsalarni Gruziyaga mikroavtobuslar va yuk mashinalarida jo‘natishni yo‘lga qo‘ygan. Jinoiy guruh faoliyati ikki yil davomida Germaniya politsiyasi kuzatuvida bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter