Yangilangan Global Passport Power Rank reytingi e’lon qilindi.

Unga ko‘ra O‘zbekiston 78 ballik ko‘rsatkich qayd etdi va Kuba va Qirg‘iziston oralig‘idan joy oldi. O‘zbekistonliklar  32 davlatga vizasiz bora oladi, 46 davlatga soddalashtirilgan holatda viza oladi. Tadqiqot turli mamlakatlarga vizasiz kirish va vizani soddalashtirilgan holda olish imkoniyatlarini baholaydi.

Qo‘shni Qozog‘iston pasporti egalari 46 ta davlatga vizasiz tashrif buyurishlari mumkin, 50 ta davlatga esa borganlarida vizani olishlari mumkin. Biroq 102 davlatga sayohat qilish uchun qozog‘istonliklar avvaldan viza rasmiylashtirishi kerak bo‘ladi.

Reyting yetakchisi Birlashgan Arab Amirliklari bo‘ldi, bu davlat pasporti 133 davlatga vizasiz tashrif buyurish imkonini beradi.

Ikkinchi o‘rinda Ispaniya (179 ball), uchinchi o‘rinda Yevropaning 14 davlati, jumladan, Fransiya, Germaniya, Finlyandiya va boshqalar joylashgan.

Ro‘yxat oxiridan quyidagi davlatlar o‘rin olgan: Suriya, Afg‘oniston, Iroq va Somali.