Ukraina prezidenti Vladimir Zelenskiy ikkinchi muddatga nomzodini qo‘ymoqchi. 

Ukrainaning amaldagi rahbari ikkinchi muddatga prezidentlikka nomzodini qo‘yishga qaror qildi, deb xabar bermoqda Ukrainaning Telegraph nashri.

«Ishonch darajasi 52 foiz bo‘lsa ham, u prezidentlik saylovlarida g‘alaba qozonish imkoniyatiga ega», — deyiladi hisobotda.

Nashr prezidentga yaqin manbalarga tayanib, Vladimir Zelenskiyning saylovlardagi asosiy raqibi sifatida Ukraina Qurolli kuchlarining sobiq bosh qo‘mondoni, Ukrainaning Buyuk Britaniyadagi elchisi Valeriy Zalujniyni ko‘rsatmoqda. To‘g‘ri, u siyosiy kelajagi haqida hali yakuniy qarorga kelgani yo‘q.

Telegraph shuningdek, Zalujniy, agar u saylovda qatnashishga qaror qilsa, jinoiy javobgarlikka tortilishi mumkinligi haqida tahdidlar olganini da’vo qilmoqda.

O‘tgan dekabr oyida Ukrainaning Strana nashri o‘z manbalariga asoslanib, Zelenskiyning idorasi Zalujniyni prezidentlikka da’vogarlik qilish fikridan qaytarayotgani haqida xabar bergan edi. Agar u rad etsa, unga «Xalq xizmatchisi» partiyasi ro‘yxatidan va Oliy Rada spikeri lavozimidan joy olish taklif etiladi.

Dastlab 2024 yil martiga rejalashtirilgan prezidentlik saylovlari mamlakatda harbiy holat bekor qilingan taqdirdagina o‘tkazilishi mumkin. 6 yanvar kuni jurnalist Leks Fridmanga bergan intervyusida Zelenskiy hali saylovlarda qatnashish-qilmaslik borasida bir qarorga kelmaganini aytdi.