«Taxtaqoracha»da ichida ikki kishi bo‘lgan yuk mashinasi yonib ketdi
14-aprel kuni soat taxminan 09:45 larda Kitob tumanidan o‘tuvchi «Taxtaqoracha» dovoni avtomobil yo‘lining 1139-kilomertida Samarqand – Qashqadaryo yo‘nalishi bo‘yicha harakatlanib ketayotgan «ISUZU» rusumli yuk avtomobil haydovchisi o‘zining ehtiyotsizligi oqibatida boshqaruvni yo‘qotib pastlikka tushib ketgan, natijada yong‘in chiqqan va transport vositasi yonib ketgan.
Vaziyat bo‘yicha Qashqadaryo viloyati favqulodda vaziyatlar boshqarmasi qutqaruvchilar guruhi manzilga yetib borib sodir bo‘lgan yong‘in oqibatlarini bartaraf etdi.
Yuk mashinasida bo‘lgan 24 yoshli fuqaro O.A hamda unga hamrohlik qilayotgan fuqaro A.O mashinadan sakragan. Sakrashi oqibatida ular tan jarohati olgan va tuman tibbiyot birlashmasiga yuborilgan. Hozirda ularning ahvoli yaxshi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter