Апрелда чиқадиган 15 га яқин смартфон билан танишамиз (фото)
Бугун апрелнинг тўртинчи куни, интернетда эса шу ойда тақдим этиладиган кўплаб смартфонлар ҳақида маълумотлар тарқаб улгурди. «Gizmochina» ёзишича, нафақат ҳаммаёқда ҳозиру нозир Xiaomi ва Realme, балки Vivo, IQOO, ҳатто камнамо OnePlus ва Samsung смартфонлари тақдимотларига гувоҳ бўламиз.
Samsung ўз мухлисларини бир йўла икки қурилмаси — Galaxy M33 5G ва Galaxy M53 5G билан мамнун этмоқчи. Булар бир туркумнинг икки нарх тоифасидаги смартфонлари.
Realme ҳам иккита смартфонини тақдим этади — Realme GT2 Pro ҳамда Realme Narzo 50A Prime.
Vivo нақ учта смартфони — Vivo T1 Pro, Vivo X Note ҳамда илк буклама телефони Vivo X Fold ни чиқариши кутиляпти.
Xiaomi эса доимгидек баракали — бирваракайига Xiaomi 12X 12 Pro ва Poco F4, Redmi 10 Prime+ 5G ларни сотувга чиқаради.
2022 йилнинг апрель ойида, шунингдек, Oppo F21 Pro туркуми анонси ўтказилади, OnePlus арзон смартфонлари (OnePlus Nord 2T ва OnePlus Nord CE 2 Lite), iQOO Neo6, Moto Edge 30 ҳамда Infinix Hot 12, Hot 12i, Hot 12 Play тақдимотлари режалаштирилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter