Ниҳоят: Неймар 12 йил аввал берган ваъдасини бажарди
Бразилиялик ҳужумчи Неймар Сантос шаҳрининг «Сантос» клуби билан шартнома имзолади.
Бу ҳақда жамоанинг Х ижтимоий тармоғидаги расмий аккаунти хабар берди.
«Шаҳзода қайтди», - дейилади Бразилия клуби баёнотида. «Сантос» футболчининг 2013 йилда Бразилияни тарк этганида айтган сўзларини келтирган. «Мен кетаман, лекин қайтиб келаман», деб ваъда берганди форвард. Неймарнинг «Сантос» билан янги келишуви тафсилотлари ошкор қилинмади.
Олдинроқ Саудия Арабистонининг «Ал-Ҳилол» клуби Неймарнинг кетишини малум қилганди. Томонлар ўзаро келишувга кўра шартномани бекор қилишди. Ҳужумчи бир ярим йил давомида жамоа сафида барча турнирларда еттита ўйин ўтказиб, битта гол урди, холос.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter