Қашқадарё вилоятида истиқомат қилувчи Mobiuz абоненти Гулзода Исломова «MobiDRIVE» акциясида иштирок этиб, BYD Song Plus Champion автомобилини қўлга киритди.

Mobiuz «MobiDRIVE» акцияси доирасида навбатдаги абонентга соврин топширилгани ҳақида мамнуният билан хабар бермоқда. Ғолиба жорий йилнинг 12 декабрь куни Mobiuzнинг ижтимоий тармоқлардаги саҳифалари жонли эфирида аниқланганди. Икки ҳафтадан сўнг, зарур ҳужжатлар расмийлаштирилгач, у ўз ютуғини қўлга киритди.

Қарши шаҳридаги янгиланган Mobiuz хизмат кўрсатиш марказида автомобилни топшириш маросими ўтказилди. Тадбирда компания вакиллари, ҳамкорлар, ғолибанинг яқинлари, шунингдек, томошабинлар иштирок этишди. Хизмат кўрсатиш маркази раҳбари Шерзод Ҳушимов томонидан гулдурос қарсаклар остида автомобиль калитлари ғолибага топширилди.

Гулзода Исломова ва унинг турмуш ўртоғи ўз таассуротлари билан бўлишдилар. Улар танишларининг тавсиясига кўра, автомобиллар ўйини ўтказилаётгани ҳақида хабар топгач, Mobiuzга уланишган. Акциянинг биринчи ғолибаси ҳақида билишгач, уларда бўлган этиш иштиёқи янада ошган. Автомобил ўйналадиган кун ҳақида билишмаган, шунинг учун жонли эфир пайтида компания вакилларидан қўнғироқ келганда, ҳеч ишонгилар келмаган. Аммо ҳаммаси ҳақиқат бўлиб чиқди.

Тақдирлаш маросими ва ғолибанинг самимий сўзларини ушбу ҳавола орқали кўришингиз мумкин: 

Тадбир давомида ғолибани улаган Mobiuz дилери - «In tune with the times» МЧЖ вакиллари ҳам пул мукофотлари билан тақдирландилар.

Mobiuz мобил операторининг 10 йиллиги муносабати билан бошланган «MobiDRIVE» акцияси давом этмоқда! 2024-йил 31-декабргача исталган инсон ойлик абонент тўлови 35 минг сўмдан кам бўлмаган тариф режаларини танлаб, компанияга уланиши мумкин. Бундай абонентлар автоматик равишда акция иштирокчисига айланади. Компаниянинг амалдаги абонентлари ушбу тариф режаларида *2024# рақамини териб, акцияга қўшилишлари мумкин.

Mobiuz мобил оператори кириб келаётган 2025-йилда мамлакатимиз аҳолисига муваффақиятлар, бахт ва омад тилайди!

Компания маълум қилишича, январь ойининг биринчи ярмидаёқ «MobiDRIVE» акциясининг учинчи ғолиби аниқланади. Ютуқли ўйинлар жараёнини Mobiuzнинг Instagram саҳифасида кузатиб бориш имконияти мавжуд.

Акциянинг батафсил шартлари билан бу ерда танишишингиз мумкин.