Боксчимиз яримоғир вазнда мутлақ жаҳон чемпиони Артур Бетербиев ҳамда собиқ чемпион Дмитрий Биволнинг реванш жанги оқшомида рингга кўтарилади.

2025 йилнинг 22 февраль кунига белгиланган ушбу катта бокс оқшомининг расмий постери ҳам эълон қилинди. Марказий жанг Артур Бетербиев ва Дмитрий Бивол ўртасида кечади. Бу реванш мақомидаги жанг бўлади. Илк жангда Бетербиев ҳакамлар қарорига кўра ғалаба қозонган ва бу эътирозларга сабаб бўлганди. Турки Ал аш-Шейх эътирозларга жавобан тезда реванш жангини ташкил қилмоқда.

Аҳамиятлиси, Исроил Мадримов Ар-Риёддаги юлдузли бокс оқшомида ўзининг яна бир катта жангини ўтказади. Ҳамюртимиз америкалик машҳур боксчи, биринчи ўрта вазн тоифасида вақтинчалик WBC чемпиони Вержил Ортисга қарши рингга кўтарилади.

Шунингдек, Саудиядаги бокс оқшомида супероғир вазн тоифасида амалдаги IBF чемпиони британиялик Даниэль Дюбуа собиқ WBO чемпиони Жозеф Паркердан камарини ҳимоя қилади.

Эслатиб ўтамиз, Исроил Мадримов ушбу чемпионлик жангига қадар декабр куни Саудия Арабистони пойтахти Ар-Риёд шаҳрида бўлиб ўтадиган катта бокс оқшомида украиналик Сергей Богачук билан баҳслашади.