Техник жиҳатдан тартибга солиш нспекциясининг Хоразм вилояти инспекторлари томонидан «Шовот туман тиббиёт бирлашмаси»да давлат назорати ўтказилди.

Ўтказилган давлат назорати натижасида, Тиббиёт бирлашмасида жами 271-дона ўлчов воситалари метрологик текширувдан ўтмаган ҳолда беморларга даволаш ва ташхис қўйишда тиббий хизмат кўрсатиб келаётганлиги аниқланди.

Бу билан, Ўзбекистон Республикаси «Метрология тўғрисида»ги Қонунининг 16-моддаси талаби бузилган.

Бундан ташқари дори воситаларининг сақлаш шароитларига риоя қилинмаган. Ўзбекистон Республикаси «Дори воситаларининг хавфсизлиги тўғрисида»ги умумий техник регламент UzTR.365-009:2016нинг 6-боб талаблари бузилган.

Текширув якунида тиббиёт бирлашмаси масъулларига маъмурий чора кўрилди ва 271 дона тиббий ускуналардан ва ўлчаш воситаларидан фойдаланишни тақиқлаш бўйича кўрсатма чиқарилди.

Маълумот ўрнида, ўлчаш воситаси — ўлчашлар учун фойдаланиладиган ва нормаланган метрологик хусусиятларга эга бўлган техника восита ҳисобланади.