Украина Курскда Россия мудофаасини ёриб ўтгани айтилмоқда
Украина Қуролли Кучлари Россиянинг Курск вилоятида 5 км олдинга силжиди.
Янги ҳужум пайтида Украина қўшинлари Россия мудофаасини ёриб ўтиб, Суджа шаҳридан 5 км жануби-шарқда олдинга силжишди, дея қайд этади АҚШда жойлашган Урушни ўрганиш институти (ISW).
ISW маълумотларига кўра, 6 феврал куни эълон қилинган кадрларнинг геолокацияси Украина қўшинлари Махновкадан жануби-ғарбга (Суджадан жануби-шарқда жойлашган қишлоқ) ва Черкасская Конопелканинг шимоли ва шарқига қараб олдинга ўтганини кўрсатади. Ҳарбий колонна Суджа-Обоян йўли бўйлаб ўтди, шундан сўнг Украина қуролли кучлари Колмаков фермаси ва Фанасеевка қишлоғини назоратга олди.
6 феврал куни Россия Мудофаа вазирлиги Украина қуролли кучларининг барча ҳужумлари қайтарилганини эълон қилди.
Украина қўмондонлиги Курск вилоятидаги янги ҳужум ҳақидаги хабарларга ҳозирча изоҳ бермади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter