Зеленский «тарихдаги энг яхши сотувчи» — Трамп
Украина президенти Владимир Зеленский «тарихдаги энг яхши сотувчи», чунки АҚШдан катта пулларни олиб кетяпти. Пенсилвания штатида ўз тарафдорлари билан учрашувда сўзга чиққан республикачилардан президентликка номзод Доналд Трамп шундай деди.
«Зеленский — тарихдаги энг яхши сотувчи. Ҳар сафар мамлакатимизга келса, 60 млрд доллар олиб қайтади», — деди Трамп.
Трампнинг фикрича, Зеленский АҚШ президентлиги учун сайловда демократлар ғалаба қозонишини истайди, чунки улардан пул оляпти. Трамп ўз тарафдорларига сайловда ғалаба қозонса Зеленский ва Путинга қўнғироқ қилиб, келишиб олишга чақиришга ваъда берди.
Владимир Зеленский The New Yorker нашрига берган интервюсида Трамп «урушни қандай қилиб тўхтатиш»ни билмаслигини айтганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter