Панама президенти Трампни ёлғончиликда айблади
Хосе Раул Мулино.
Панама президенти Хосе Раул Мулино АҚШ президенти Доналд Трампни Қўшма Штатлар Панама канали назоратини яна қўлга олишни бошлади деган сўзлари учун ёлғончиликда айблади.
Конгрессда 1,5 соат маъруза қилган Трамп Америка учун «олтин аср»ни ваъда қилди. Жумладан, у Панама канали бўйича вазиятга тўхталиб, каналдаги портлар Америка компанияси томонидан сотиб олинаётгани тўғрисида сўз очди.
«Президент Трамп яна ёлғончилик қиляпти. Панама канали кимнингдир назоратига топширилиш жараёнида эмас, (АҚШ) давлат котиби (Марк) Рубио билан суҳбатимизда бу масала ҳатто тилга олинмаганди», — деди Панама президенти.
Мулино таъкидлашича, Панама ва АҚШ ҳукуматлари ўртасидаги ҳамкорлик икки томоннинг манфаатларига бирдек хизмат қилувчи келишувлар асосига қурилган.
Трамп ўз баёнотларида Панама канали назоратини АҚШ назорати остига олиш ниятини бир неча марта таъкидлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter