Остонада қиш: бир суткада 120 га яқин ЙТҲ, 12 киши жароҳатланди
Биринчи қор Қозоғистон автойўлларида муаммолар туғдиришни бошлади. Хусусан, пойтахт Остонада бир кунда 120 га яқин йўл-транспорт ҳодисаси қайд этилиб, 12 киши жароҳатланган.
«Об-ҳаво шароитлари ёмонлашуви (қор ёғиши, баъзи жойларда йўлларнинг музлаши) сабабли 12 октябр куни пойтахт кўчаларида 118 та ЙТҲ қайд этилиб, уларда 12 киши тан жароҳати олди», — дейилади Остона полиция департаменти баёнотида.
Шунингдек, Шимолий Қозоғистон вилоятида йўллар музлаб, ҳайдовчилар мушкул вазиятларга тушиб қолишмоқда. Челябинск–Новосибирск трассасининг 418-километрида бир йўла тўртта фура йўл музлаши туфайли ҳаракатлана олмай қолган, шу йўлнинг 619-километрида эса 74 ёшли эркак енгил машинаси билан йўлдан чиқиб кетган.
Қолаверса, Жезқазған–Петропавловск йўлининг турли қисмларида қор ва муз сабабли бугуннинг ўзида учта жиддий ЙТҲ содир бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter