Камол Қиличдорўғли узоқ муддатга қамалиб кетиши мумкин
Туркиянинг мухолифатдаги Жумҳурият Халқ партияси етакчиси Камол Қиличдорўғли унга қарши очилган 28 та даъво бўйича жами 110 йилгача қамалиши ҳамда сиёсий фаолияти тақиқлаши мумкин.
Бу ҳақда Cumhuriyet газетаси хабар бермоқда.
Эрдўғонга сайловларда катта қаршилик қилган Қиличдорўғлининг адвокати Жалол Челикка кўра, Қиличдороғлуга қарши 28 та даъво қўзғатилган. Президентлик сайловларида мағлубиятга учраган Қиличдорўғли парламентга ҳам кира олмади ва депутатлик дахлсизлигидан маҳрум бўлди.
Қайд этилишича, аксарият ҳолларда даъвогар президент Ражаб Тоййиб Эрдўғон бўлади. Бундан ташқари, аксарият суд ишлари бўйича сиёсатчи тўрт йилгача, жами барча даъволар бўйича эса 110 йилга озодликдан маҳрум этилиши мумкин.
Эслатиб ўтамиз, Киличдорўғлу президентлик сайловининг иккинчи босқичида 47,82 фоиз овоз билан ютқазди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter