Ўзбекистон элчихонаси АҚШнинг Флорида штатидаги ватандошларни эҳтиёт чораларини кўришга чақирмоқда.

АҚШнинг Флорида штатининг 51 та шаҳрида «Милтон» тўфони кириб келаётгани муносабати билан фавқулодда ҳолат эълон қилинди, деб хабар қилмоқда «Дунё» АА мухбири.

Шу муносабат билан Ўзбекистоннинг АҚШдаги элчихонаси ватандошларимиздан эҳтиёт чораларини кўришини сўрайди. Агар сизларга шошилинч ёрдам керак бўлса, Ўзбекистоннинг АҚШдаги элчихонасининг қуйидаги телефон рақамларига мурожаат қилишингиз мумкин:  +1-202-251-8298; +1-202-300-9526.

Шунингдек, тўфони натижасида жабрланганлар аниқланган тақдирда, АҚШнинг Фавқулодда вазиятларни бошқариш Федерал агентлигининг қуйидаги ишонч рақамларига мурожаат қилишингизни сўралади: шошилинч тиббий ёрдам 911;

Фавқулодда вазиятларни бошқариш Федерал агентлиги: (800) 621-3362/ (800) 462-7585/ (800) 985-5990; умумий масалалар бўйича: 202-646-2500.

Флорида штати кўмак линияси: +1-800-342-3557.

Флорида штати Эвакуация қилишга кўмаклашиш хизмати: +1-800-729-3413.