Yaponiya raqamlashtirish vaziri bosh vazirlik uchun kurashga qo‘shildi
Taro Kono.
Yaponiya raqamlashtirish vaziri Taro Kono yetakchi Liberal-demokratlar partiyasi (LDP) raisligi uchun o‘z nomzodini ko‘rsatdi. Bu haqda TASS xabar berdi.
Ushbu saylov g‘olibi Yaponiya bosh vaziri bo‘ladi.
Taro Kono o‘z qarorini maxsus tashkil etilgan matbuot anjumanida e’lon qildi.
«Men LDP raisligi uchun saylovda qatnashaman», — dedi Taro Kono.
Taro Kononing raqiblari yetarli — sobiq iqtisodiy xavfsizlik vaziri Takayuki Kobayasi, sobiq mudofaa vaziri Sigeru Isiba, jami 11 potensial nomzod bosh vazirlikka da’vogar.
Yaponiyaning amaldagi bosh vaziri Fumio Kisida sentyabrda o‘z lavozimini tark etishini va ikkinchi muddat uchun saylovda nomzodini ilgari surmasligini ma’lum qilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter