Tramp Ilon Mask uchun atalgan xabarini bexosdan e’lon qilib yubordi
AQShning saylangan prezidenti Donald Tramp Ilon Mask uchun atalgan shaxsiy xabarini yanglishib o‘ziga qarashli Truth Social ijtimoiy tarmog‘ida e’lon qilib yubordi.
Unda shunday yozilgan: «Qayerdasan? Biz seni va X (Maskning o‘g‘li X Æ A-Xii nazarda tutilmoqda)ni sog‘indik!».
Xabarning davomida Tramp Maskni Mar-a-Lagodagi qarorgohiga yangi yil kechasiga taklif qilib, bu joyni «Koinot markazi» deb atagan.
Qolaversa, Tramp o‘z postida Bill Geyts ham bayramga kelish istagidaligini aytgan. CNN xabariga ko‘ra, Geyts chindan ham Tramp bilan uchrashish imkoniyatiga qiziqmoqda, ammo bu uchrashuv bo‘lish-bo‘lmasligi noma’lum.
Tanqidchilar Trampga saylovoldi kampaniyasida katta ko‘mak ko‘rsatgan Maskning Oq uyga ta’siri ehtimolidan tashvishda, biroq Tramp buni inkor etmoqda.
«Yo‘q, u prezident bo‘lmaydi, chunki bu mamlakatda tug‘ilmagan», — dedi Tramp Maskning asli janubiy afrikalik ekaniga ishora qilib.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter