Krishtianu Ronaldu yangi mavsumdagi bosh maqsadini aytdi
«An-Nasr» hujumchisi Krishtianu Ronaldu kelgusi mavsumda o‘z oldiga qanday maqsadlarni qo‘yganini ma’lum qildi.
«O‘ylashimcha, har bir mavsum uchun maqsadlar doim bir xil: bor kuch bilan intilish va sovrinlarni yutish. Imkon bo‘lsa, shaxsiylarini ham. Biroq, mening bosh maqsadim — shundayligimcha, ushbu mavsumda ko‘rganingiz Krishtianu Ronalduligimcha qolish hamda «An-Nasr» va Portugaliya terma jamoasi bilan maqsadlarga yetish uchun bor kuchimni berish», — Ronaldudan iqtibos keltirdi Goal nashri.
39 yoshli Ronaldu «An-Nasr»da 2023-yil yanvaridan beri to‘p surmoqda. Jamoa bilan shartnomasi 2025-yil oxirigacha tuzilgan.
Ronaldu 2023/2024-yillar mavsumida «An-Nasr» safida barcha turnirlarda 45 marta maydonga tushib, 44 ta gol, 13 ta golli uzatma muallifi bo‘ldi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter