«O‘zbek tilini bilishlari shart» — Alisher Qodirov Rossiya dumasi spikeri so‘zlariga munosabat bildirdi
Oliy Majlis Qonunchilik palatasi spikeri o‘rinbosari Alisher Qodirov Rossiya dumasi spikeri Vyacheslav Volodinning so‘zlariga munosabat bildirdi.
Volodin Rossiyaga ishga borayotganlar rus tilini bilishi kerakligini qayd etgan.
«So‘zsiz, Rossiyaga ishga borayotganlar rus tilini bilishlari shart, lekin bu O‘zbekistonda yashayotgan ruslarni o‘zbek tilini bilishlari shart emas degani emas!
O‘zbekistonda yashayotgan barcha millatli vatandoshlar o‘zbek tilini bilishlari shart.
Qonunlarimizda bosqichma-bosqich bog‘cha va boshlang‘ich ta’limda boshqa millatli vatandoshlarga o‘z ona tili va qadriyatlarini o‘rganishiga sharoit yaratish bilan bir qatorda, o‘zbek tili majburiy o‘rganadigan til sifatida belgilanishi kerak.
O‘zbek tilini bilmaydigan inson nafaqat davlat xizmatida ishlashi, balki davlat xizmatlaridan foydalanishi ham mumkin bo‘lmay qolishiga erishishimiz kerak», — deydi Alisher Qodirov.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter