Odamlarni devor bosib qoldi, tok urdi: Hindistonda 14 kishi tabiiy ofat qurboniga aylandi
Hindistonning G‘arbiy Bengaliya shtatida kuchli yomg‘ir va suv omborlaridan suv oqishi natijasida kelib chiqqan suv toshqini oqibatida kamida 14 kishi halok bo‘ldi, 250 ming kishi o‘z uyini tashlab ketishga majbur bo‘ldi, deb yozadi Indian Express gazetasi.
Xabarlarga ko‘ra, odamlar devorlarning qulashi yoki elektr toki urishi oqibatida halok bo‘lishgan. Shtat hukumati ko‘chirilganlar uchun boshpanalar tashkil qildi. Mahalliy hokimiyatning ma’lum qilishicha, G‘arbiy Bengaliyaning bir necha hududlari belgacha suv bosgan.
Hindistonda kuchli yomg‘ir jiddiy suv toshqinlarini keltirib chiqargan. Hukumat qurbonlarga gumanitar yordam ko‘rsatish uchun harbiy vertolyotlardan foydalanmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter