Qahramon Quronboyev madhiya kuylash bo‘yicha topshiriq berdi (audio)
Ijtimoiy tarmoqlarda Qahramon Quronboyevning mahalla faollari o‘z hududida ertalabki soat 7:00 da madhiya kuylashi kerakligi haqidagi topshiriqlari aks etgan audio tarqaldi.
Audioda, shuningdek, mahalla idorasida madhiya kuylangach, mahalla raisi 7:45 da o‘z hududidagi maktabda bo‘lishi va maktab direktori o‘rinbosari bilan birga o‘quvchilarni kutib olishi, 8:15da davomatni olib, mahalla yettiligi bilan darsga kelmagan o‘quvchilar haqida ma’lumot to‘plashlari kerak. Kechki soat 21:00 da esa Qahramon Quronboyevning o‘zi shaxsan o‘tkazadigan videoselektor yig‘ilishida kunlik hisobot topshirishlari lozimligi aytiladi.
Ijtimoiy tarmoqlarda bu topshiriqlar Mehnat qonunchiligiga zid ekani haqida bahs-munozaralar bo‘lmoqda.
Eslatib o‘tamiz, Qahramon Quronboyev yaqinda O‘zbekiston mahallalari uyushmasi raisi etib saylangan va uning maqomi Bosh vazir o‘rinbosariga tenglashtirilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter