2025 йилда янги — «бета» авлоднинг илк вакиллари туғилади
2025 йилда туғилган болалар янги — «бета» авлоднинг биринчи вакилларига айланади. Бу ҳақда The New York Post хабар берди.
Келгуси 15 йил — 2025–2039 йилларда туғилганлар «бета» авлодга мансуб бўлади.
Футуролог Марк Маккриндлнинг фикрича, «бета» авлод сунъий интеллект ва автоматлаштириш кундалик ҳаётга тўлиқ татбиқ этилган даврда яшайди. Шунинг баробарида, бу авлод иқлим ўзгаришлари, глобал миграция ва шиддатли урбанизация (шаҳарлашиш) каби жиддий ижтимоий муаммоларни ҳам бошдан ўтказишига тўғри келади, деди у.
Маълумот учун: турли даврларда туғилганларни алоҳида номлаш урф бўлган*:
- 1965–1980 йилларда туғилганлар — Х авлод;
- 1981–1996 йиллар — Y авлод;
- 1997–2010 йиллар — Z авлод (ёки зумерлар);
- 2010–2024 йиллар «алфа» авлод.
*Изоҳ: авлодлар чегарасини кўрсатувчи йиллар борасида турли манбаларда тафовутлар бор.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter