Роналдудан мураббий чиқадими?
Португалия терма жамоаси ва «Ан-Наср» футболчиси Криштиану Роналду профессионал фаолиятини якунлагач, мураббийлик билан шуғулланадими? A Bola бунга аниқлик киритди.
«Келгусида қандайдир жамоани бошқаришимни ҳозир тасаввур ҳам қилолмайман. Футбол билан боғлиқ бўлмаган бошқа ишларда ўзимни кўпроқ кўряпман. Бироқ бизни келажакда нималар кутаётгани фақат Яратганга аён», — деди у.
«Манчестер Юнайтед»дан (бош мураббий Эрик тен Хаг билан зиддиятли муносабатлар туфайли) кетган Роналду 2023 йилнинг 2 январида йиллик €200 млн маош эвазига «Ан-Наср» (Саудия Арабистони)га ўтганди. Бундан ташқари, ўзи ва оиласи учун қўшимча бонусларга эга.
Криштиану Роналду Португалия терма жамоаси билан 2016 йилда Европа чемпиони бўлган. Тўққиз йил «Реал Мадрид», уч йил «Ювентус» шарафини ҳимоя қилган. Фаолияти давомида беш марта «Олтин тўп»ни қўлга киритган, беш маротаба Европа чемпионлар лигаси ғолиби бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter