Париж-2024. Баскетбол турнирида тарихий камбэк амалга ошди
6 август куни Сербия баскетбол бўйича эркаклар терма жамоаси Олимпия ўйинлари тарихидаги энг йирик камбэкни амалга оширди. Австралияга қарши ўйинда «-24 очко» фарқ билан ортда бораётган серблар ирода кўрсатиб ғалаба қозонишди ва турнирнинг яримфиналига йўл олишди.
Асосий вақтда мувозанатни тиклаган Сербия овертаймда ғалаба қозонди, ҳисоб — 95:90.
Аввалги рекорд Барселона (1992) олимпиадасида ўрнатилган, МДҲ терма жамоаси баскетболчилари Литвага қарши ўйинда 12 очколик фарқни йўққа чиқариб зафар қучишган (92:80).
Яримфиналда Сербия NBA юлдузларидан иборат АҚШ билан тўқнашади. Финал йўлланмаси учун иккинчи баҳс Германия ва Франция ўртасида кечади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter