Париж-2024. АҚШ медаллар сони бўйича биринчи ўринга кўтарилди
![Париж-2024. АҚШ медаллар сони бўйича биринчи ўринга кўтарилди](https://static.xabaruz.com/crop/3/0/920__95_3088993370.jpg)
Ноа Лайлс. Унинг 100 метрликдаги ғалабасини фотофиниш аниқлаб берди.
Париж Олимпиадасида мусобақаларнинг 9-кунидан сўнг АҚШ терма жамоаси медаллар сони бўйича биринчи ўринга чиқиб олди.
Америкалик спортчилар 4 август куни 10 та медални қўлга киритишди.
Олтин: Скотти Шеффлер (голф), Кристен Фолкнер (велоспорт, жамоавий пойга), Бобби Финк (сузиш, 1500 м), аёллар ўртасида комплекс сузиш эстафетаси 4х100 м, Ноа Лайлс (югуриш, 100 м).
Кумуш: Брейди Эллисон (камондан отиш), эркаклар ўртасида комплекс сузиш эстафетаси 4х100 м.
Бронза: Остин Смит (стендда ўқ отиш, скит), Суниса Ли (спорт гимнастикаси, турли баландликдаги бруслар) ва Фред Керли (югуриш, 100 м).
Олимпиаданинг 9-кунидан сўнг АҚШ терма жамоаси медаллари жами сони 71 тага етди: 19 та — олтин, 26 та — кумуш, 26 та — бронза.
Ўзбекистон терма жамоаси жами 3 медал (1 олтин, 2 бронза) билан 31-поғонадан ўрин олган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter