Ўзбекистоннинг Франциядаги янги элчиси тайинланди
Нодир Ғаниев Ўзбекистоннинг Франциядаги элчиси этиб тайинланди.
Бунга қадар Ғаниев Ўзбекистоннинг Швеция Қироллигидаги Фавқулодда ва мухтор элчиси лавозимида ишлаб келаётган эди.
Нодир Ғаниев 53 ёшда. Тошкент Давлат университетининг филология ва шарқшунослик факультетини тамомлаган. У 1994 йилдан буён Ташқи ишлар вазирлиги тизимида ишлаб келмоқда, марказий аппаратида ва мамлакатимизнинг хориждаги дипломатик ваколатхоналарида турли лавозимларда ишлаган.
Швеция элчилигидан олдин эса Ташқи ишлар вазирлигининг Европа давлатлари ва Европа Иттифоқи институтлари билан ҳамкорлик департаменти раҳбари лавозимида ишлаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter