Президент, ижод ва ихтисослаштирилган мактабларни ривожлантириш агентлиги тизимидаги ихтисослаштирилган мактабларга кириш имтиҳонлари куни маълум қилинди. Бу ҳақда Агентлик ахборот хизмати хабар берди. 

Имтиҳонлар Муҳаммад ал-Хоразмий номидаги ихтисослаштирилган мактаб ҳудудида ўтказилади.

Имтиҳон кунлари:

• Aбу Aли ибн Сино номидаги ёш биологлар ва кимёгарлар ихтисослаштирилган мактаб-интернати – 7- август.
• Мирзо Улуғбек номидаги физика, математика, астрономия ва информатика фанларига ихтисослаштирилган мактаб – 8-9-август.
• Муҳаммад ал Хоразмий номидаги Aхборот технологияларига ихтисослаштирилган мактаби – 10-12-август.

Имтиҳонлар 3 сменада – 08:00, 12:00, 16:00 да ўтказилади.

Имтиҳон вақти ҳақида талабгорларга 2-август кунидан бошлаб смс-хабарнома юборилмоқда.

Смс-хабарномани қабул қилгандан сўнг ariza.piima.uz сайтидаги «Шахсий кабинет»дан Рухсатномани юклаб, чоп этиб олишингиз шарт!

Имтиҳонга талабгор туғилганлик тўғрисидаги гувоҳнома ва Рухсатнома билан келиши лозим.

Имтиҳон ўтказиладиган манзил: Тошкент, Яшнобод тумани, Махтумқули кўчаси.