Бунақа жомадонга 300 дан кўп компютер «сиғади» (фото)
![Бунақа жомадонга 300 дан кўп компютер «сиғади» (фото)](https://static.xabaruz.com/crop/2/1/920__95_2182290889.png)
Western Digital компанияси маълумотларни сақлаш учун ноодатий SSD-сақлагич чиқарди. Ultrastar Transporter сиғими — 368 терабайт, шакли эса ғилдиракли жомадонни эслатади. Солиштириш учун: ўртамиёна компютернинг хотира сиғими — 1 терабайт.
![](https://xabar.uz/static/uploads/71/lW3uDnZM-5tKJ9d6pVJGMtPveyGWDhFM.png)
Бу шунчаки оддий SSD эмас, шунингдек, NAS ҳамдир. Аппарат базаси — 12 ядроли Xeon 4310, 128 Гб оператив хотира (RDIMM) билан кучайтирилган. Қурилма ва уни олиб юриш учун кейс (жамланмага қўшиб берилади) жами 15 кг оғирликка эга, деб ёзди NotebookCheck.
![](https://xabar.uz/static/uploads/71/r4ef9QC4reKHOFwlrucGFx4W-SsjBHRo.png)
Бундай улкан хотира қурилмаси нафақат геймерлар, балки суратга олиш гуруҳлари, тадқиқотчилар, умуман, «тонналаб маълумотни ўзи билан олиб юришга мажбур» соҳалар вакиллари учун айни мудда бўлиши мумкин.
![](https://xabar.uz/static/uploads/71/rloB6h6bcrmMn1Uv5O6ECr7lmVtZcoAO.png)
Қизиғи, қурилманинг нархини сир тутишяпти. Фақат оламан деган харидорлар билан гаплашишаркан. Бозорга қачон чиқиши номаълум.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter