Хабарлар тезкор Телеграм каналимизда Обуна бўлиш ×

Ўзбекистон пуллари ипак қўшилган махсус қоғозларда босилиши мумкин

Ўзбекистон пуллари ипак қўшилган махсус қоғозларда босилиши мумкин

Адлия вазирлиги «Давлат белгиси» ДУК, «Ўзбекипаксаноат» уюшмаси ҳамда Тошкент тўқимачилик ва енгил саноат институти мутахассислари ўзаро ҳамкорлигида инновацион усулда табиий ипак толалари қўшилган ҳимояланган қоғозларни тайёрлаш бўйича изланишларига патент берди.

Қайд этилишича, табиий ипак толалари қўшилган қоғоз тайёрлаш технологияси дунёда илк бор Ўзбекистонда ишлаб чиқилган ва бу банкнотлар, қимматли қоғозлар ҳамда бошқа ҳужжатлар учун ҳимоя хусусиятларини оширади.

Яъни, мазкур ихтиро туфайли ҳимоя элементлари таркибига табиий ипак толалари қўшилган қимматбаҳо қоғозни бошқа турдаги қоғозлардан ажратиш имконияти пайдо бўлади.

Марказий банк маълумотига кўра, қоғоз тайёрлаш жараёнида табиий ипак толалар қоғоз массасига қўшилади ва сўнгра унга флуоресцент эритмаси шимдирилади. Ультрабинафша нурлар билан ёритилганда ипак оқсили кучайтирилган тўқ рангга киради ва шу йўсинда қоғоз қалбакилаштиришдан ҳимояланади. Бир хил қалинликдаги табиий ипакнинг қоғоз таркибига қўшилиши натижасида унинг мустаҳкамлиги бир неча баравар ошади.

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг