Андроид қурилмалар учун Xabar.uz мобил иловаси. Юклаб олиш ×
IOS qurilmalar uchun Xabar.uz mobil ilovasi. Юклаб олиш ×

ОАВ: Тошкент шаҳри прокурори ишдан кетди

ОАВ: Тошкент шаҳри прокурори ишдан кетди

Фото:«Xabar.uz»

Хабарнинг аудио талқини

Тошкент шаҳар прокурори Шерзод Облоқулов лавозимини тарк этган. Бу ҳақда «Kun.uz» хабар берди.

«Айни вақтда унинг ишдан кетиш сабаби маълум эмас. Шунингдек, унинг ўрнига ким тайинлангани ҳақида ҳам маълумот йўқ» дейилади хабарда.

Адлия катта маслаҳатчиси Шерзод Облоқулов турли йилларда Бош прокуратурада прокурор ва бошқарма катта прокурори (2007−2011 йиллар), Навоий вилоятининг Хатирчи тумани прокурори (2011−2013), Жиззах вилояти прокурорининг биринчи ўринбосари (2013−2016) ва Сирдарё вилояти прокурори (2016−2017) лавозимларида ишлаган.

У Ўзбекистон Республикаси Бош прокурорининг 2017 йил 12 июндаги буйруғига мувофиқ Ўзбекистон Республикаси Конституцияси ва «Прокуратура тўғрисида»ги Қонунига асосан Тошкент шаҳар прокурори лавозимига 5 йил муддатга тайинланган ва мазкур прокуратура ҳайъати раиси этиб тасдиқланганди.

Эслатиб ўтамиз, собиқ бош прокурор Отабек Муродовнинг лавозимдан четлатилиши ортидан, Бош прокуратурадаги раҳбарлик лавозимларида ўзгаришлар бўлди.

Шунингдек, аввалги матубот котиби Сурайё Раҳмонова ўрнига Ҳаёт Шамсуддинов ушбу лавозимга тайинланди. 

Изоҳлар 0

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг